Kalaymyo Ah Covid-19 Hrik Ngei Pa 4 An Karh Nihin Tiang Zawtnakngei 20 An Si

Salai Bawi Lian Sang| TCP-Kalay| 2020 October 2| Kalaymyo ah Covid-19 hrik a ngeithar October 1 ni ah mi (4) an ichap. Sanmyo in pakhat le Yangon in a rak a tlungmi Natchawng khua ummi pakhat le khuachung ummi an si. October 1 tiangah tiang ah mizaw(20) an si cang.

khuachung sang pakhat a simi Sanmyo sang ah Covid-19 hrik ngei mi(13) a tambik le  neihniam bik minung tam an um nak a si caah  Sangchung um mi vialte cu Stay at Home ah September (29) ni thawk in chiah an si  dih. Sangum mipi pawl din-ei kong ah Ngandamnak le tuanvo ngeitu volunteer nih tuanvo lak ding an si lai.

Kalaymyo ah Covid -19 pulral ruang ah Quarantine Center 11 a um cang. Khuachung Quarantine ah Kalay University, Siangsangrun No. (1), Siangsangrun No.(8), le Tida Ku Mit sizung(1), Nursing School(1) le Quarantine Ficility um  Ramdang tlungmi (129) le Ramchung peng dang tlungmi(85)  an um i Zawtnak hrik ngei Siizung kai mi 18, ai thlop lio mi 15,  siizung in a tummi 3 an si.

Sanmyo sang ah innchungkhar(1650) le milu (8900) hlei an um. Sanmyo sang Stay at home an chiah cang caah mah sang he naihniam mi Taungpila sang, Tharzin sang, Tuangzalet sang, Tahan sang, le Kawlkulh khua vialte lam khar dih ding in sang volunteer, Meithat, sang khuabawi vialte hna nih humhinnak le ei-din kong tuanvo an lak lai.

Lam khar an si dih bantuk in milu 4 nak tam um lo in Stay at home chung khua mi hna he bia chim holh rel tik zong ah bia thlum al te in chawh ding ah khua bawi hna  nih tuanvo an lak lai.

Tahan Bazaar zong September 29 in October 10 tiang khar chung a si lai. Kalaymyo Covid-19 pulralvennak committee bia khiahnak nawl a zul duhlo mi cu pul ralvennak upadi bantuk in thong kum khat le cheu tiang thlak ding an si lai tiah thawng kan theih. IRPD Kalay

Na ruahning rak langhter ve.. (Leave a comment)

%d bloggers like this: