Kalaymyo Aungthitsang Ah Covid 19 Hrik Ngei (7) An Hmuh Than

Sanmyo COVID-19 Inn Umding Cawlcanghnak/IPRD Kalay

 Salai Bawi Lian Sang|TCP-Kalay| October 28, 2020| Sagaing ramthen, Kalaymyo khuachung Aungthit sang ah October 27 ni tiang covid hrik ngei (7)an hmuh than hna.

Kalaymyo pengchung ah a voihnihnak thlihrang October 27 ni tiang covid-19 hrik ngei dihlak (39) an si i nihin ni tiang siizung in chuak minung (24) an si. Siizung aa thlawp lio minung (15) an um. Mah hrik ngei(39) ah minung (23) hi Sanmyo sang ummi an si i October 12 ni zawknak hrik an hmuh ti lo caah  Sanmyo sang Stay At home seimi Lockdown in hnom piak an si cang.

A tu hrik thar an hmuhnak  Aungthitsang chung ah sang(7) then an si i Lam sung in chak lei  Bogyoke lam kam um mi tam deuh dawr tuahmi hna sin ah Covid-19 hrik a karh hi a si.

“Siizung in a chuak cang mi zong dam in an um cio hna caah  ngamdamnak le Lentecelhnak minister zung nih rikhiah mi ni (11)  chung zawtnak hrik a lang ti lo ruangah siizung in an chuak khawh nak a si. Siizung in a chuak cang mi zong home quarantine zarhkhat erh an si than dih.

October 8 zan tiang ah Kalaymyo peng chung in Covid -19 pulral ruang ah Quarantine Center (19) a um cang. Khuchung Quarantine ah Kalay University, Siangsangrun No. (1), Siangsangrun No.(8), le Tida Ku Mit sizung(1), Nursing School(1) le Quarantine Facility(4) um. Ram dang tlungmi (60) ah pa(41) le Nu (20), Ramchung peng dang tlungmi(128) ah Pa(68) le Nu(60) an dihlak Quarantine lut mi(189)  an um.

October 27, 2020 zan tiang ah Myanmar pumpi ah covid hrik ngei mi (44,774), sizung in a tum mi (24,920) a thimi (1,095) an si. Ref:Kalay Township News

Na ruahning rak langhter ve.. (Leave a comment)

%d bloggers like this: