Kalaymyo Covid 19 Hrik Ngei (417) Chung In Minung (8) An Thi Cang

Kalaymyo COVID Hrikngei chiahnak Inn/IPRD Kalay

Salai Bawi Lian Sang| TCP-Kalay| January 15, 2020| Sagaing ramthen, Kalaymyo peng ah avoihnihnak covid-19 thlihrang ah September 10, 2020-January 15, 2021 tiang ah zawtnak hrik ngei(417) chung in minung (374) nih damnak an hmuh i, minung(8) an thi cang. Nihin tiang hrik ngei minung (43)sii an thlop cuahmah hna lio an si.

“Siizung in a chuak cang mi zong dam in an um cio  hna caah  ngamdamnak le Lentecelhnak ministry zung nih rikhiah mi ni (11)  chung zawtnak hrik a lang ti lo ruangah siizung in an chuak khawh nak a si. Siizung in a chuak cang mi zong home quarantine zarhkhat erh an si than dih. Kalaymyo peng chung in Quarantine Center 19 a um cang. Khuchung Quarantine ah Kanpale, Aungthitsa, Kawlkulh, Chianmeihaungsi, Kalay University, Siangsangrun No. (1), Siangsangrun No.(8), le Tida Ku Mit sizung, Nursing School le Quarantine Facility le Shinhong Hotel Quarantine le Santha Quarantine hna an um tiah kan theih

Yangon(Stay at home) in kalaymyo a rak lutmi cu Facility Quarantine ni(21) erh an si lai. Hmundang/peng dang a ra mi belt e cu ni (14) erh an si lai tiah Kalaymyo covid-19 pulrai runvennak chungtuan  Dr. Soe Moe Htwe nih a chim.

November thla in nihin tiang Kalaymyo khuachung ah covid hrik hmuhnak tannak sang/veng hna cu, Chan Myae Aung Si veng, Aung Mingalar veng, Aung Thit Sar veng, Aung Myay Man veng, That Oo Thi Da veng,Tazin veng, Myo Tha veng, Naung Pin Thar veng, Tahan veng, San Pya Khua, Thauh Kyiant khua ah zawtnak an hmuh hna.

Vanlawng in a tlun dingmi kong ah

Kalaymyo pengkulh ngandamnak zung cu Myanmar ram ngandam zung lei nih nawl an chuah bantukin ramchung vanlawng tlun kal an onh cang caah vanlawng riantuan tu hna le mipi khualtlawng mi hna zong nih zulh ding phun sermi( Standard Operation Procedures-SOP) bang in Kalay vanlawngtual riantuan mi hna zong nih ngandamnak he zulh ding mi phun an ser ve.

Kalaymyo peng cu nihin Non –stay-at-Home peng a si cang tiah thawngthanhnak an tuah cang caah Kalay vanlawng tual a phan mi poah nih theih ding mi cu,

  1. Stay-at-Home peng in a ra tlun mi poah cu Tidaku mitsizung(CBFOQ Centre), Siangsangrun No.1(CBFQ Centre), Siangsangrun No. 8(CBFQ Centre), Hotel Moe( Hotel Quarantine), Shine Hone Hotel Quarantine le Pengkulh chungmi CBFQ Centre a si mi ah Zarhkhat erh in RDT test kit in zawtnak check an si lai. Zawtnak hrit hmuhlo( Negative) lawng nih mah inn le a duhmi khua ah um kal onh ding a si lai.
  2. Non-Stay-At-Home peng in a ra tlun mi an si ah cun Quarantine lut lo in mah inn le a duhmi khua ah um kal khawh an si lai tiah thawngthanhnak an tuah.

Ref: Kalay Township News/IRPD Kalay/Khonumthung

Na ruahning rak langhter ve.. (Leave a comment)

%d bloggers like this: