Kalaymyo  Covid-19 Pulrai Thawngpang Thar      

0

Salai Bawi Lian Sang| TCP-Kalay| 2020 October 6| Kalaymyo ah a voihnihnak Covid-19 ruang ah October (5) zan tiang  hrik ngei Sizung kai mi (27), ai thlawp lio mi (21), sizung in a tummi( 6) an si. October (3-5) zan tiang ah Swab test mi chung in zawtnak hrik thar an um lo tiah thawng kan theih.

Kalaymy khuachung sang pakhat a simi Sanmyo sang ah Covid-19 hrik ngei mi (23) an um tiah MP Pi Siammi nih a facebook ah a tial. Sanmyo sang cu Kalaymyo peng ah Covid-19 hrik a tambik le  neihniam bik minung tam an um nak sang a si caah  Sangchung um mi vialte cu Stay at Home ah September (29) ni thawk in chiah an si  dih. Sangum mipi pawl din-ei kong ah Ngandamnak le tuanvo ngeitu volunteer nih tuanvo an lak tiah thawng theih a si.

Kalaymyo peng chung ah Covid -19 pulral ruang ah Quarantine Center 11 a um cang. Khuchung Quarantine ah Kalay University, Siangsangrun No. (1), Siangsangrun No.(8), le Tida Ku Mit sizung(1), Nursing School(1) le Quarantine Facility(4) um. Ram dang tlungmi (128) ah pa(65) le Nu (63), Ramchung peng dang tlungmi(119) ah Pa(67) le Nu(52) an dihlak Quarantine lut mi(247)  an um.

October 5, 2020 zan tiang ah Myanmar pumpi ah covid hrik ngei mi 18,781, sizung in a tum mi 5,548, a thimi 444 an si.

Tahan bazaar zong September 29 in October 10 tiang khar chung a si lai. Kalaymyo Covid-19 pulralvennak committee bia khiahnak nawl a zul duhlo mi cu pulralvennak upadi bantuk in thong kum 1 le cheu tiang thlak dingin an si lai tiah thawng kan theih.

About The Author

Na ruahning rak langhter ve.. (Leave a comment)

%d bloggers like this: