Kalaymyo Dirhmun: Ralhrang Dohdalnak, Kahdohnak le Cawlcanghnak

0

Salai Mangpau | June 4, 2023 — SAC nih Uknak a lak hnu 2021 kum in Sagaing ramthen le Chin ramkulh ah Anawyathar Operation min bumh in ralhrang thazaang tampi he a hun nam. Kalaymyo pengah March 2021 kum in ralkap uknak duhlonak langhter in lamzawhnak ah Ralhrang le police nih hriamnam hmang in mipi kahdohnak a tuah caah mipi lei nih ralvennak ah an ngeih mi Chai le Lai meithal in kahdohnak a tuah ve.

Kalay Civil Army (KCA) Konglam

KCA cu KCDA (Kalay Civil Defence Association) hruaimi tang ah ummi hriamtlai Department a si. Kalaymyo khuachung ummi ralhrang uknak duhlo mi hna funtomnak KCDA ah miphun tling bu komh (Khua le Veng) bu 10 hlei an rak um.

KCDA hruaimi tang ah KCA bu hriamtlai pawl lawng si lo in bu dang hriamtlai pawl zong he riantuan ti a si. KCA member mi 1,000 hlei an rak um. Amah lawngte cawlcanghmi hriamtlai le duhthu sam in um mi phu a si lo ti hi theih cio mi a si.

KCA le Tabeih Khantat

Kalay khuachung Genation-Z mino hna hruainak in nitin te sandahpiahnak an ngei mi cu ralhrang rual nih an kap, an tlaih an hro hna tik ah hriamtlai lo mino pawl cu hliam an tuar, hma an pu, mino hna an thih pah cang caah ralhrang nih an tleih kho lo hna ding ah hmun sernak (Tabeih sakhan) tuah in mah area chung ah zalen tein lamzawh (sandahpiah) a si.

Cu Tapaih Khantat cung um Genaration-Z pawl cu ralhrang nih an rak nuar than ruangah mino 4 an thi, GZ hna nih an ngeih mi tete kutchung ummi paoh in ralhrang pawl cu an doh hna ruangah sakhan cu ralhrang nih awlte in lak kho lo ding in heh tiah nunnak pek in an kham ve hna.

Tahan Tabeih khantat i um mino pawl umnak ah ah ralhrang nih an kah hna, an rak fuh hna tik ah GZ lawng si ti loin sang chung ummi mipi nih a remnak hmun in ralhrang cu an rak kah ve cang.

Rahrang pawl cu donghcet lo in hriamnam thatha in Tapaih Sakhan cu an ra nawr lengmang tikah hmunkhat sangkip mipi pasal tha hna nih an kham cawk ve ti hna lo. Cutik ah Kalay hmun kip um hriamtlai pawl cu mah lawng kah cu a si kho ti lo an theih tikah tanrual dank awl in KCDA tang ah KCA cu pumkhat tein funton in drih a si.

March 2, 2021, Kalaymyo ah ralkap cozah uk duhlonak langhternak ni 24 tlinnak ni Zing 8:00 AM in mipi tonak an ngei hnu Zing 8:30 Am in lamzawhnak in duhlonak cu Aungtitsa sang/Shwebungthar (Aungmin-kalar-phungki) inn lei ah phu hnih then in lam an zawh.

March thla ni 2 in lampi chuah in duhlonak a langhter mi hna cu a herhning in Meithal in khapnak nawl cu mipi hunhimnak tuanvo latu palek nih Ralkap sin ah nawl an kan pek cang tiah Ralkap nih thawngthanhnak an tuah. Kalaymyo zongah March 2 ni meithal kap ruangah a thimi Mg. Zin Myo Maung, Kum 19 (2019 kum) tanghra awng ka te a thi.

Laimi chungin “KE” ah kah a tonmi, le hmapu/hliamhmapu 20 an si. Kawlram chung huap ah (March 2, 2021) ah Kalaymyo um palek nih mipi runvennak cu ralkap sin ah nawl an pek hmasa bik.

March thla chungah zaan, 8:00 in, bongbong/chengcheng tum in Non-Violence cawlcanghnak le cozah lei CDM cawlcanghnak zong nikhat hnu nikhat an kharh i cheukhat CDM a tuahmi hna cozah (Quarter-inn) in a lenglei a chuak mi zong an rak um.

April 2021 Kalaymyo thlanglei Kalay-Natchaung-Gangaw lam kam khua ah kahdohnak an thawk. Ralhrang nih cheukhat khua ah hriam ngan bomb le meithal hmang in an kah. Khuachung mipi thinphan in an um i ramlak an zaam. SAC ralhrang khuachung an um ti lo hnu ah khuachung an hun um than ti lengmang a rak si.

2021 April ah Ralhrang le Kalay Civil Army (KCA) kahdohnak hmun Sithar khua, Natchawng- Chawngkhuah, Tanphu, Yankyiaung khua ah SAC um hmun an lak i khuachung inn le lo rawlbuk le thilri fir in an um.

2021 December 23 ah SAC le rampi ralkap lei in KKG, PDF, CNDF kahdohnak a um. Ralhrang nih phone line le internet signal an phih. Natchaung khua le Chaungkhuah ah Mipi 19 an thah. Inn 29 mei an khangh. Hakhalay, Tanphu, pin lei khua zongah mipi an thah mi le inn mei khangh piak a ton mi an tlawn ti lo.

2021 December 27 ni Tanphu khua an lut lio ah Mipi inn an khangh. December 28 Chaungkhuah khua an lut than. Mipi an zaam nak tlang le ram lak ah an va kah hna. Lam kam um inn 5 leng le Khrihfa biakinn mei an khangh.

December 29 ah Yezo khua ah ralhrang an um lio can ah Hakhalay le Pamonchaung khua inn mei an khangh. Mipi an thah mi zong a um. 2022 kum in 2023 tiang Kalaymyo tlanglei (Tayakhung, Ciainn, Siitar, Natchaung, Chaungkhuah,Hakhalay,Yezo, Pamonchaung Tanphu, Yankyiaung, Hmandaw, Siaphu, Aungchianta, Cianthar, khua te tam deuh cu inn le lo chuak tak in a tam deuh cu Kalaymyo khuachung ah ralzaam in an um.

Nihin Kalaymyo tlanglei ah kahdohnak a tam. Ralkap lei in Vanlawng, Ke ralkap, GTU sianginn in miakpi, Battalion LIB (228) in miakpi, LIB 89 in miakpi, Taungphila tlangcung um miakpi le Kalaymyo hrambumh Miakpi ralkapphu (Artillery’s) in raldohnak a umnak khua lei ah an kah hna tiah theih a si.

About The Author

Na ruahning rak langhter ve.. (Leave a comment)

%d bloggers like this: