Kalaymyo Khuachung Tiva Ah Vok Thi An Hlawnh  Ruang Ah Pawngkam Sathu Rim Chia In An Um

0

Salai Bawi Lian Sang| TCP-Kalay| December 5, 2020| Kalaymyo peng khuachung le khuate kip ah vok rai a um i a thimi an tam ngai. Cheu khat cu vok thi mi khur ah phum lo in khuahcung tiva(U Poh chuang- Tuiro va- Thlamual lui va le Buda lam kalnak tiva ah vok thi an hlawh ruang ah khuachung cu sathu rimchia in a um ko tiah tiva pawngkam um nih TCP ah a chim.

“Tu lio cu Furcan a si lo tik ah tiva ti a reu ngai. Vok thi an rak hlawh ton caah tiva ti nih a fenh kho ti lo i a can ruah hnu cun sathu rim chia a chuak. Pawngkam khuasa mi nih a rim kan celh hrim lo. Minung ngandamnak tiang chiatnak a chuah pi kho mi a si. Rawl ei khawh lo tiang in a rim celh a si lo. Vok a zuat mi hna nih an vok  athi  sual ah cun dum chung a si lo le khua leng ah vok thi phum hna seh law a tha “ tiah Taungzalat sang Upa nih a chim.

“Kalaymyo khuachung sang kip/khuate inn zuat vok tam ngai an thi cang. Bazar ah vok sa cuai khat kyat 8000 an zuar ton mi a tu ah inn lak thah mi vok cuai khat kyat 5000 in an zuar. Vok man a tla ngai. Hlan ah sumhnga vok a man ah kyat250,000 hrawng a si mi a tu ah kyat 150,000 in zuar a si cang. Covid-19 pulrai ruang ah India ram  le peng dang lei vok a kal kho ti lo. Cun, mibu tampi telh in thlacam pumhnak, thitumhpuai le puai dangdang tuah a si kho lo tik ah vok a man kho ti lo” tiah Sanmyo sang vok zua tu pakhat nih TCP ah a chim.

Sagaing ramthen saram zohkhenhnak zung lei nih November (7) ni ah Vok Laboratory an rak check. Africa vok rai virus phun bantuk an rak hmuh i vawlei cung saram ngandamnak bu(OIE) ah thawngthanhnak an tuah cang.

Mah Africa vok rai hi minung ah zawtnak a chawnh kho lo. Vok rawl caah Rawldawr/inn ei bang mi rawl pek tik ah lum te in chumh piak ding le Aithing hang chuah piak in din ter ding le  ramdang in phun ning lo in a lutmi vok sa, vok sa car, vak ril le a dang vok sa in tuah mi ei-din vial te ei rih lo ding a si lai. Inn zuat vok ruahlo pin a thih ah cun mah umnak neihniam mi khua bawi, saram lei zohkhenhnak zung ah thawngpek cawlh ding  tiah saram lei zohkhenhnak zung in  ralring pek nak thawng theih a si.

About The Author

Na ruahning rak langhter ve.. (Leave a comment)

%d bloggers like this: