Kalaymyo Peng Ah Covid-19 Positive Minung 2 An Hmuh Than

0

Kalay COVID Kong/IPRD Kalay

Salai Bawi Lian Sang| TCP-Kalay| 2020, September 26| Kalaymyo  peng Covid-19 positive mizaw Sanmyo sang No.6/9 um mi kum(48) le kum(50) mi,mizaw(2) cu Quarantine an umnak Kalay University CBFO Centre in Kalaymyo itkhum(300)umnak (Taingyin sizung,Taungphila) ah 25,9,2020 zan 11:00 le minute 15 ah an rak thial.

Kalay khua ah Bus Express le pumpak ngeihmi motor pawl zong Kalay khuachung an lut ah cun Quarantine a lut lai tiah thawng kan theih. Thilphormi motor ah Diver, spare le spare bawmtu minung pathum cu khuachung lut onh an si lai. Chaitni le dam lonak ruangah khuachung a lut mi cu an raknak sang/khuabawi hnatlakpinak ca i ken a herh. Facility Quarantine hi Kalay University ah chiah ti lo in Siangsangrun No. (1), siangsangrun No.(8) le Tidaku mitsizung ah chiah an si lai.

Nihin ni tiang a voihnihnak  pulrai ruangah Kalaymyo ah Quarantine a lut mi 263 le Covid-19 hrik ngei mi(7) an si  cang. Khuachung lengchuak tik ah Mask aa tuah lo mi cu tliah a si cang lai tiah Kalaymyo pulrai vennak chungtuan Pu Ni Lian Sang sin in thawng kan theih.

Nizan September 25 tiang ah Myanmar ram chungah Covid-19 hrik positive mi 9112, sizung in a chuak mi 2517 le a thi mi 174 an si cang. Myanmar he ramri a simi Mawre khua  nizan ah Covid-19 hrik ngei mi 6 an hmuh hna. Mawre khua ah Covid hrik mi nihin tiangah mi(11) an si cang. Tamu le Mawre gate an khar natein lamdang in thil an phorh peng ko rih tiahh thawng kan theih.

About The Author

Na ruahning rak langhter ve.. (Leave a comment)

%d bloggers like this: