Kalaymyo Peng Ah Covid-19 Pulrai  Lio Ah Nihlawh Riantuanmi Innchungkhar(56,648)  Bawmhnak An Pek

COVID Bawmhnak/Kalay IPRD

Salai Bawi Lian Sang| TCP-Kalay|2020, September 26|       Sagaingram then Kalaymyo peng Covid-19 pulrai lio ah nihlawh riantuanmi innchungkhar hna a voili nak bawmhnak cu  penguk zung ah an tuah i penguk bawi lutlai hna  nih biatawi chimnak a ngei. Cun, Kalaymyo peng ah nihlawhriantuanmi innchungkhar (44,064) caah le a corih lo mi hna innchungkhar (12,584) ah innchungkhar pakhat ah kyat(20,000) le a dihlak caah kyat(1,132,960,000) an pek hna lai.

Rampi Cozah lei nih bawmhnak an pek mi hna cu a hman ning in phawtzamh cio dingin peng chung ummi cozah zung riantuan tu hna le khuate/sang kip tuanvo ngei tu hna nih an inn le lo te ah an pek hna lai tiah thawng kan theih.

Kalaymyo ah milu 338,079 ah Kawl miphun 180,464,Chin miphun 155,669 le miphun dang hna an um. Khuachung ah Inn 20,872 ah Innchungkhar 21,915 le Khuate ah inn 41,738 le Innchungkhar 43,812 an um. Pengchung inn dihlak 62,610 le innchungkhar dihlak 65,727 an um.

Khuachung ah  sang (Ward) 20 le Village Tracts (Ohsuh) khua 41, le Village (khua te) ah khua 185 an um.

Na ruahning rak langhter ve.. (Leave a comment)

%d bloggers like this: