Kalaymyo Peng Ah Covid-19 Pulrai Lio Fapawi Mi Bawmhnak Cu Ngwe Bike Application In Min Cazin Pek Khawh A Si

Kalay Fapawi bawmhnak/IPRD Kalay

Salai Bawi Lian Sang|TCP-Kalay| August 31, 2020| Luhmuhwinthan (Social service) zung nih Covid -19 pulrai lio ah fapawi mi bawmhnak cu Ngwe bike Application in min cazin pe kho ding in Kalay pengkulh Luhmuhwinthan zung raintuantu hna nih an tawlrel cuahmah lio tiah thawng kan theih.

Mah kong he peh tlaiin Pengkulh Luhmuhwinthan Assistant Director Daw Khin May Oo nih “pengkulh chung fapawi mi hna bawmhnak ah Ngwe Bike Application in min cazin pek kho ding in Khuate ngandamnak(Celeik Ciamma zi) le Khuachung umi sangkip/Khuate Administration zung kip kal in a herhmi Data lak kho ding in le Mobile Phone in (Ngwe Bike Application) an hmangkho cio ding in cawnpiak kan ngei kho” tiah AD Daw Khin May Oo nih IPRD Kalay ah a chim.

Fapawi bawmhnak hi August 11 in September 15 tiang Ngwe Bike Application in sawk kho a si lai I September 20 hnu ah bawmhnak pek a si lai i, Kachin, Sagaing region(Naga mahte uknak nawl ngei telhlo) Mandalay, Magwe, Naypyidaw, Bagu, Yangon, Mon, Tanintari ram then vial te  ah pek  a si lai.

A dang ramthen/ramkulh kip hna ah cun, fapawi mi bawmhnak le 2020 April (1) hnu lei fa a hrim mi Kum 2 tang ngakchia thlakhat ah Kyat 15000/-bawmhnak cu thla 3 dan kyat 45000/-(MCCT) in bawmhnak an pek hna tiah Luhmuhwinthan pengkulh zung in thawng kan theih.

Na ruahning rak langhter ve.. (Leave a comment)

%d bloggers like this: