Kalaymyo peng ah Covid-19 pulrai um lio ah nihlawh riantuanmi innchungkhar  bawmhnak an pek hna lai

Salai Bawi Lian Sang| TCP-Kalay| July 24, 2020| Sagaing ramthen Kalaymyo peng Covid-19 pulrai lio ah nihlawh riantuanmi innchungkhar hna bawmhnak cu July 24, 2020 penguk zung ah an tuah i penguk bawi lutlai U Cung Lian Thang nih biatawi chimnak a ngei. Cun, Kalaymyo peng ah nihlawh riantuanmi innchungkhar (44,064) caah innchungkhar pakhat ah kyat(20,000) le a dihlak caah kyat(881,280,000) an pek hna lai.

Rampi Cozah lei nih bawmhnak an pek mi hna cu a hman ning in phawtzamh cio dingin peng chung ummi cozah zung riantuan tu hna le khuate sang kip tuanvo ngei tu hna nih an inn le lo te ah an pek hna lai tiah thawng kan theih.

Kalaymyo ah milu 338,079 ah Kawl miphun 180,464,Chin miphun 155,669 le miphun dang hna an um. Khuachung ah Inn 20,872 ah Innchungkhar 21,915 le Khuate ah inn 41,738 le Innchungkhar 43,812 an um. Pengchung inn dihlak 62,610 le innchungkhar dihlak 65,727 an um. Khuachung ah sang (Ward) 20 le Village Tracts (Ohsuh) khua 41, le Village (khua te) ah khua 185 an um. IPRD Kalay

Na ruahning rak langhter ve.. (Leave a comment)

%d bloggers like this: