Kalaymyo Peng  Chaungkhuah Gate Ah Kyats Sing 6000 Man Ritsi An Tlaih

0

Salai Bawi Lian Sang|TCP-Kalay| August 31,2020| August 29 suimilam 6:00 ah Kalaymyo peng ritsii tlaitu palik hna nih  Kalaymyo, Chaungkhuah gate  ah rithai si Kyats sing 6000 man  a phortu  an tlaih hna tiah CCDAC Myanmar sin in thawng kan theih.

An tlaih hna ning cu Gangaw  in Kalaymyo  lei lam ah a rami No.5 Zeyalam, Hlaingtaya peng um, Kyaw Naing Lin kum 34 mongh mi Probox motor aa cit vemi Tun Tin kum 42 le Dagon peng YawMinkyi Sang ummi Kyaw Tin @ Kyaw Htey  kum 48 mongh mi aa cit ve mi Tinkankyune peng, Aungzeya lam um HLah Maung Saw kum 60 le Yuhzanah U Yin Myodaw No. 93 sang ummi Tan Tin kum 58 an i citmi Mark II cu an check  tik ah Probox motor chung  rawnmi plastic  chungah ritsi tlang 200000(tangka in Kyats sing 6000 )man le hand phone 3 an tlaih hna hi a si.

Mah ritsii  he aa pehtlaimi cu an hlat hna tik ah Tamu peng, Bogyoke lam um Zedaine sang 12 um Than Khual Nuam kum 39, Tamau peng sang 6nak um Khin Moe Wai kum 35 ah motor cycle pa 2 le Hand phone 2, Tamu peng Zedaine sang 8 nak um Daw San San Myint  kum 43 inn ah hand phone 1, Daw San San Myint inn ah a rak lengmi India ram, Mawre peng um, Cannan khua mi Hin Kho Se kum 34 le Tamu peng, Myomah 14 sang um Sap Kho Pau kum  27 hna cu Motor cycle 1 le Hand phone 2 an tlaih hna.

Kalaymyo palik sakhan nih rithaisi le lung a thlentertu si lei upadi he tlaih in taza an cuai hna i mah kong he a pehtlaimi hna zong an hlat cuahmah lio a si tiah thawng kan theih.

August 23, 2020 ah Khampat Gate ah ritsii le Bing dihlak kyats sing 11,682 man le July 25, 2020 zongah Kalaymyo le Tamu minung (Kawl le Chin mi) paruk siiphor hna cu Salingkyi, Monywa ah Motor 3, rithaisii sing kyats 7700 man an tlaih ve hna tiah kan theih.

About The Author

Na ruahning rak langhter ve.. (Leave a comment)

%d bloggers like this: