Kalaymyo Peng Ci Cai Khua SAC Hriamngan Kahnak ah Khuaimi Nupa An Nunnak A Liam
Salai Mangpau | July 15, 2023 |
Sagaing ramṭhen, Kalaymyo ah SAC ralhrang nih July 13, zaan sml 8:22pm ah hriamngan in khuate cheukhat ah a kah ruangah Kalaymyo nitlak lei Chinram he naihniam mi Ci Cai khua inn pakhat a tla i nu/pa pahnih an nunnak a liam.
July 13 zaan 8:22pm in Kalaymyo hrambunh hriamngan battalion nih voi 5 tiang hriamngan an kah. Cun hmundang um hriamngan lei in voi 2 an thlah. Hriamngan kahnak hi a dihlak ah voi 7 a si. Cun hriamngan kahnak ah Ci Cai(Kawl min in Si San) khua inn pakhat ah hriamngan a tla i, Pu Lal Lian le Pi Lal Pek Hlu nu/pa an thi. An fapa kum 3 zong a lu ah hliam a pu. Mah inn hmai um nu pakhat zong hliam a tuar.
SAC ralhrang hriamngan an kahnak khua cu Ceih Kan khua, Myohlah, Sia Daw le Ci Cai khua hna hi an si. Ceih Kan khua zong ah hriamngan pakhat nih khua mi 3 a hliam hna. Sia Daw khua ah cun Inn le lo aa rawk mi an um lo tiah thawngtheih a si.
July 13 zaan hriamngan kahnak khua hna hi Kalaymyo in meng 2-3 aa hlatnak Kalay peng um khua an si; (Chinram le Sagaing raṭhen) ramri pawng a um mi Falam peng, Wai Bu Lah tlanghrawn ah a ummi khua hna an si.
