Kalaymyo Peng Khuachung Sanmyo Sang Cu Inn Umding (Stay At Home) Ah Chiah An Si Cang

Salai Bawi Lian Sang| TCP-Kalay| 2020 September 30| Kalaymyo khuachung sang pakhat a simi Sanmyo sang ah Covid-19 hrik ngei tambik le neihniam bik minung tam an um nak a si caah Sangchung um mi vialte cu Stay at Home ah September (29) ni thawk in chiah an si dih. Sangum mipi pawl di-nei kong ah Ngandamnak le tuanvo ngeitu volunteer nih tuanvo lak ding an si lai.

Kalaymyo ah Covid -19 pulral ruang ah Quarantine Center 49 ah minung 164 an um. Zawtnak hrik ngei Sizung kai mi 11, ai thlawp lio mi 8, sizung tum 3 an si.

Sanmyo sang ah innchungkhar(1650) le milu (8900) hlei an um. Sanmyo sang Stay at home an chiah cang caah mah sang he naihniam mi Taungpila sang, Tharzin sang, Tuangzalet sang, Tahan sang, le Kawlkulh khua vialte lam khar dih ding in sang volunteer, Meithat, sang khuabawi vialte hna nih humhinnak le ei-din kong tuanvo an lak lai.

Lam khar an si dih bantuk in milu 4 nak tam um lo in Stay at home chung khua mi hna he bia chim holh rel tik zong ah bia thlum al te in chawh ding ah khua bawi hna nih tuanvo an lak lai.

Tahan bazaar zong September 29 in October 10 tiang khar chung a si lai. Kalaymyo Covid-19 pulralvennak committee bia khiahnak nawl a zul duhlo mi cu pul ralvennak upadi bantuk in thong kum 1 le cheu tiang thlak dingin an si lai tiah thawng kan theih. IRPD Kalay