Kalaymyo Sizung Ah Covid-19 Hrik Check Nak Gene X Pert Seh An Ngei Cang

Salai Bawi Lian Sang| TCP-Kalay| September 18, 2020| Kalaymyo sizung ah Covid-19 Hrik Check Nak Gene X pert seh an ngei cang. Voikhat check ah mi 2 check khawh a si lai. Nikhat voi 5 in mi 10 check khawh a si lai. Kalaymyo um Gene X pert seh cu US$32,000 (sing400) kyat man hrawng a si tiah Kalay Covid pulrai runvennak tuanvo ngei tu sin in thawng kan theih.

Covid hrik ngei lunghrimh deuh mi hna a zawtnak check tik ah voihnih check a si. A voikhatnak hi kanmah hmunhma kalay sizung ah check a si lai. Voihnihnak Swab test nak tu Kawlram (rampi huap checknak-Mandalay) lei ah kuat a si. Zawtnak an hmuh ah siseh, hmuh lo ah siseh (positive le negative) an si zong ah hika in an hmuh chuahmi a phi cu cunglei ah zoh chap ding in le faifai tein ngiatthlai lio caan an si rih lai.

Coronavirus check nak seh hi Kawlram khuapi 26 ah  aum cang. Sittwe, Kyautphyu, Muse, Hakha, Tedim, Pathein, Myitkyina, Magwe le khua dang ah an ngei cio ve.

Kalaymyo peng ah Community Based Facility Quarantine Center(44) a um. Ramdang tlungmi Pa (61), Nu (55) dihlak(116) le ramchung Stay at Home khua in a tlungmi Pa(59), Nu(72) dihlak (131) an um tiah  thawng kan theih.

Nihin Myanram ram September 18 zing 8:00AM tiang ah Covid zawtnak ngei 4299 le a thi mi 61 an um cang. kalaymyo chung ah covid-19 hrik ngei (3) an um.

 

Na ruahning rak langhter ve.. (Leave a comment)

%d bloggers like this: