Kalaymyo Tahan sang mipi inn hmai ah hriamngan a tla
The Chinland Post | 2022 April 13 – Kalaymyo, Tahan sang hmunhma (12) The Methodist (Mission Veng) biakinn pawng mipi inn hmai zinglei sml 3:30am hrawngah SAC ralkap nih kahmi hriamngan a tlak caah mipi pakhat hliamhma a tuar, mipi inn thlalang pawl a rawk.
“April 12 zing sml 2:30am hrawng thok in 4:00am tiang hrawng Kalay hmunhma tampi ah meithal thawng theih a si hnu ah hriamngan thawng voi 3 theih a si tiah khuami hna nih an chim.
“Tuzing sml 2:30am hrawng in meithal thawng theih a si, kan i hilh kho lo, mipi hriamtlai phu pawl he ma an i kah hnga, a hnu ah hriamngan thawng a thang tak” tiah Tahan khuami pakhat nih Khonumthung Burmese ah a chim.
Kalay khuachung April 7 thok in SAC ralkap le mipi hriamtlai phu karlak ah kahdohnak chuak pah i SAC ralkap nih security zong an rengh deuh tiah a langhter.
April 12 thok in SAC ralkap pawl nih hmunhma an laknak Bogyoke lam cungah a ummi Naycia inn le Taungpyilar lamṭhen karlak cu kalnak nawl an khar tiah Khonumthung Burmese sin in theih a si.
About The Author
