Kalaymyo thonginn ah CNDF pasal ṭha a nunnak a liam

0

The Chinland Post | 2022 March 16 – Sagaing ramṭhen, Kalaymyo thonginn chungah March 15 zaan ah a cangmi kahdohnak ah Chin National Defense Force (CNDF) in pasal ṭha Salai Shalom Siang Thang Lian a nunnak a liam tiah theih a si.

Kalay thonginn ah a tlaihmi Salai Shalom Siang Thang Lian hruaimi minung thazang 50 hrawng nih nawlngeitu pawl kha tlai in tlikzaam an i timh caah kan kahnak hi a si tiah SAC nih a thanh.

Salai Shalom Siang Thang Lian cu a luancia 2021 June thla chungah Kalaymyo ah hramhram uknak dohnak program pakhat ah rian a ṭuan lioah SAC nih an tlaih i Kalay thonginn ah an khumh.

“CNDF pasal ṭha Salai Shalom Siang Thang Lian (kum-28) cu a biakam bantuk in 2022 March 15 ah ram le miphun caah a nunnak a pek. Dothlennak caah a nunnak a pemi Salai Shalom Siang Thang Lian cungah upatnak kan pek i taantakmi chungkhar kan ngaihchiat pi hna” tiah CNO/CNDF nih cathanh a chuak.

About The Author

Na ruahning rak langhter ve.. (Leave a comment)

%d bloggers like this: