Kalaymyo Um Lamhlat Tlimi Motor Aa Thawh Hlan Ah Nitin Check A Si
TCP-Kalay | 2019 April 8| Kalaymyo kaciwin gate um lamhlat a tlimi motor hna cu khualtlawn an i thawh hlan ah motor line zohkhenh tu committee hna nih rikhiahmi upadi ning tein an um nakhnga March 20 hnu in nitin an check cang.
“Aluancia March 5 ah Kalay in Yangon a tlimi Express motor aa leh lio ah minung tam nawn an thi ruang ah mah bantuk accident kong he ralrinnak a um khawhnak ding ah Sagaing ramthen cozah nih lamhla a tli mi motor pawl check dingin nawl a chuah. Cuti nawl a chuahmi ah Driver laisen le Motor mawng 2 um le um lo, Passenger taisawn sawmhnak, Driver zu rit le rit lo, Motor a that le that lo cu motor a chuah hlan te ah upadi ning in check le ralrin peknak le a zizutnak kan tuah hna” tiah Committee lutlai U Soe Win nih a chim.
Nihin ah Kalay in Yangon a tlimi motor gate 6 an um i nitin in motor a tlawmbik 7 an chuak tiah thawng kan theih. Credit: The News light of Myanmar
