Kalewa Khua Pawng Lungmeihol Laknak Khur A Cimh Caah Minung 10 Leivawr Nih A Phih Hna

0

TCP-Thantlang| 2018 August 3| August 2 zan Kalewa peng, Tit-chaung khua in khaan 10 tluk aa hlahtnak hmun lungmeihol khur a cimh caah minung 10 khurchung leivawr nih a phih hna caah chuak kho lo in an taap tiah theih a si.

Hi khur a cimhnak hmun cu Htun Tun Company nih tuanvo an laknak zawn a si i Tuluk miphun 2 le Kawl miphun 8 leivawr nih a cimh hnawh hna caah khur chungah an taap hi a si. August 3 zinglei suimilam 9 hnu lawng ah Company tuanvo ngeitu hna nih cozah zung tuanvo ngeitu hna sinah thawngthanhnak a tuah le cangka in Sagaing ramthen cozah, Kalay pengkomh zung le Kalewa khua mibawmchan tu hna le mizaw phur motor he chanhchuah dingin an kal hnawh colh hna.

“Khur chungah leivawr nih a phihmi hna cu minung 10 an si. Vawlei a cimh ruangah hliam hma a tuarmi 4 cu sii-inn an um lio a si. A dang cu fiang in theih an si rih lo” tiah Kalewa palek tuanvo ngeitu pakhat nih a chim.
Ref: Popular News, Kalay myo Media

About The Author

Na ruahning rak langhter ve.. (Leave a comment)

%d bloggers like this: