Kalewa Lawng Dinhnak Sing 1000 Dih In An Remh Lai 

TCP Thantlang| 2019 March 5|Kalay pengkomh Kalewa Chindwin tiva kam lawng dinhnak cu zohdawh deuh in sersiam nak ding caah ramthen budget sing 1000 an hman lai tiah kan theih.

“Kalay-wa thingah nak zung hmai tiva kam rualnak ding le zohdawh tein lawngdinhnak zong tuah chih ding a si. Mah pin ah tilawng cung kainak ding hlei zong tuah chih a si lai. Hi riantuan ding cu pe 300 tluk a si te lai” Tiah Engineer U Moe Zaw nih a chim.

Kalay-wa lawng dinhnak sersiam nak ding caah phungning lo inn le dawr pawl hna cu thialter le hrawh an si i hnawmtam zong an thianh dih cang tiah kan theih.

“Chindwin tiva tlang khamnak ding le lawng dinhnak sersiamnak rian cu a luan cia February 8 in kan thok cang. A ralai mi April 10 hrawng ah rian kan lim te lai. Hi rian kan dih in cun khua mi hna caah tlonlen nak hmunnuam pakhat zong a si lai pin ah thingkung le a dangdang zong tuanvo ngeitu hna he cin dingin timhtuahnak ngeih a si” tiah U Moe Zaw nih a chim.

A hlan lio Kalewa khua cu Kawlram chungah ti cung in Chin ram he rak i pehtlaihnak ah rak hman a si tiah kan theih.

Ref:DVB

Leave a Commnet

%d bloggers like this: