Kalewa Peng Ah SAC Ralkap Mawṭaw Bom An Puah Hnawh Hna I A Thi Mi An Tam Kho, Ruak 1 le Meithal Zuun 1 An Lak Khawh
The Chinland Post | 2023 March 28 — Sagaing ramṭhen, Kalewa peng ah SAC Ralkap Mawṭaw bom an puah hnawh hna i SAC lei in a thi mi an tam kho, ruak 1 le hriam zuun 1 an lak khawh tiah Kalewa peng PDF sin in thawng theih a si.
March 25 ah Minkin peng, Kyapin khua in a rak chuak mi SAC ralkap pawl Kalewa peng Titone hlei pawng ah bom an puah hnawh hna, an kah hna i SAC ralkap mawṭaw bom nih a khen caah a thi mi an tam kho, an kal hnu in hmunhma zohfelnak an ngei tik ah ralkap ruak 1 le meithal zuun 1 an lak khawh tiah theih a si.
“SAC ralkap mawṭaw bon nih a khen caah an thi mi an tam kho. Ruak 1, meithal zuun 1 le adang thilri an lak khawh. Kalewa PDF B05 nih a kah mi a si” tiah Kalewa peng PDF phu rianngeitu nih Khit Thit ah a chim.
