Kam Khan Mang A Tlau; Kan Kawlpi Cio Ve Uh

The Chinland Post| 2019 January 4| Chin ramkulh khualipi, Hakha ah khua a sami Kam Khan Mang a tlau. A hmutu paoh nih thawng nan kan thanh naklai le nan kan kawlpi cio naklai bawmh kan in hal hna tiah mi tlau chungkhar nih The Chinland Post thanhca in bawmhhalnak thawng an thanh.

“A tlaumi hi Pi Sui Tial le Pu Kam Thawng (tleicia) hna an fapa Kam Khan Mang (kum 43) a si. Amah hi lungzawtnak a ngeimi a si. Lungzawtnak a ngeihnak hi kum 7 chung a si cang. A hlan ahcun a u he an um ti i atu hi a ule inn in a chuahnak le a tlaunak hi thla 5 tluk a si cang. Atu tiang kan kawl lengmang ko nain a umnak kan thei lo, kan hmu kho rih lo” tiah a tlaumi chungkhar lei in Tu Tha Par nih The Chinland Post ah a chim.

A tlaumi Kam Khan Mang cu a tanglei hmanthlak i angki nak aa hrukmi hi a si.

“Amah hi lam riantuan le payan tuan a hmang theu. Kan umnak cu YMCA sang, Pyidawtha, Hakha ah a si. Amah Kam Khan Mang aumnak cu Hakhathar ah a um. A ngakchiat te in Hakha khua ah a chuakmi le a thangmi a si. A hmutu paoh nih a tanglei phone number ah pehtlaihnak nan kan tuah naklai zaangfah nawl bu in bawmh kan in hal hna” tiah a biapeh ah a chimchap.

Pehtlaihnak:
Tu Tha Par, YMCA sang, Pyidawtha, Hakha
Phone: 09451832032

Leave a Commnet

%d bloggers like this: