Kan Khua Palek Sakhaan Kahdohnak Ah SAC Ralkap 45 An Thi
The Chinland Post | 2023 April 4 — Gangaw peng, Kan khua palek sakhaan cu mipi hriamtlai phufonh nih March 31 ah an kah hna i SAC lei 45 an thi, 10 nak tlawm lo an i hliam tiah NUG tang PDF Headquarter nih a thanh.
Kan khua palek sakhaan kahdohnak cu zinglei sml 6:00am hrawng in aa thawk i zinglei sml 9:00am hrawng ah sakhaan an khangh khawh, kahdohnak an thawk ka lio ah SAC lei nih vanlawng in kahdohnak voi 2 a tuah i Helicopter in voi 7 tiang kahdohnak a tuah ko nain PDF phufonh nih sakhaan cu voi 4 an kah chih, chun ah Helicopter in voi 3 kah a rak bawmh chap hna caah PDF phufonh lei an kir ṭhan tiah theihternak an tuah.
Sakhaan i 75% cu an khangh khawh manh i SAC lei 45 hrawng an thi, 10 fak ngai in an i hliam tiah an langhter.
Kahdohnak chung in G3 zuun 4, G4 zuun 1, Kuanbawm 4, Grenade 2, pehtlaihnak seh 2, phone 7, laptop 1, namte 1, tangka 60,800 leng adang thilri pawl an lak khawh tiah an langhter.
Sakhaan chung ah SAC ralkap le palek 81 an um nain kahdohnak a dih ah 17 lawng an taang tiah Gangaw pengkomh B14 nih fianhternak an tuah.
About The Author
