Kanaung Operation Ah SAC Ralbawi 4 Telh In 80 An Thi
The Chinland Post | 2023 September 12 — Mandalay PDF le TNLA hna bawm in an tuah mi Kanaung Operation ah SAC ralbawi 4 telh in SAC lei 80 an thi i hriam le kuanzen tampi zong an lak khawh tiah Mandalay PDF nih thawng an thanh.
Mandalay PDF nih 2023 July thawk in “Kanaung Operation” min in TNLA he bawm in kahdohnak an tuah, July 15 in September 10 tiang ah kahdohnak voi 9, Drone Operation 8 an tuah khawh tiah theih a si.
Kahdohnak pawl chung ah SAC lei Captain 2, Platoon Leader 1, Second Battalion Commander, ralkap 76 tiah an zapi 80 an thi tiah an langhter.
Mandalay PDF nih an thawk mi Kanaung Operation hi a dih rih lo i Brigade 99, Brigade 101 kuttang LIB 252, LIB 257, le MOC 1 kuttang IB 502 thazang 400 hrawng he kahdohnak a um peng rih tiah theih a si.
Kahdohnak chung ah mipi hriamtlai 1 nih ram le miphun caah a nunnak a pek tiah Mandalay PDF nih an langhter.
About The Author
