Kanbalu-Kawlin-Kyunhla peng 3 thum ramri kahdohnak ah SAC ralkap 40 an thi, Captain 2 le Lieutenant 1 an tlaih hna

0

The Chinland Post | 2022 August 25 – Sagaing ramṭhen, Kanbalu-Kawlin-Kyunhla peng 3 tonnak ah mipi hriamtlai phufonh nih SAC ralkap pawl an kah hna i SAC ralkap 40 nak tlawm lo an thi, Captain 2 le Lieutenant 1 a nung in an tlaih hna lengah hriam 22 le kuan, zen tampi zong an chuh hna tiah Kanbalu pengkomh battalion 2 sin in thawng theih a si.

August 23 zinglei sml 8:00am thok in kahdohnak a chuak i mipi hriamtlai phufonh nih an tei tuk hna i kahdohnak chungah SAC ralkap 40 nak tlawn lo an thih lengah Captain 2 le Lieutenant 1 an tlaih khawh hna. Kahdohnak chung in MA-1 zuun 7, MA-2 zuun 2, MA-3 zuun 7, MA-4 zuun 1, kuan bawm 55, 60 MM 18, 5.56 kuan 1,867, 40 MM kuan 6, luchin 6, bomrap 5, icon 5, kuttuah meithal 1, kuttuah kuankhat rawn meithal 1, Jumper 1, meikuan 2, 84 mm 1, MA pistol 1, box 2 le adang dang thil tampi an lak khawh tiah theih a si.

August 23 zinglei sml 8 thok in kahdohnak a chuak i zinglei sml 10:00am hrawng ah vanlawng in bom thlak a bawmh hna i Kanbalu peng Letkokpin le Aungchanthar khuate chungah a raami SAC ralkap pawl cu mipi hriamtlai phufonh nih an kah hna i SAC ralkap 40 nak tlawm lo an thi i RPG, Machine gun, MA-1, MA-2 hna an lak khawh tiah Kanbalu peng battalion 2 sin in theih a si.

SAC ralkap nih Mi 17 pakhat in hriam a bawmh hna i Mi 35 kahdohnak Helicopter 1, Jet 1 in vanlei kahdohnak a bawmh hna tiah theih a si.

About The Author

Na ruahning rak langhter ve.. (Leave a comment)

%d bloggers like this: