Kani Ah A Um Mi Ralkap Tower Tung Sakhaan PDF Nih An Lak
The Chinland Post | 2023 November 23 — Sagaing ramṭhen, Kani peng, Seywachuang, Lapu khua pawng ah a um mi Tower tung sakhaan cu dothlennak phu pawl nih November 22 ah an kah i November 23 zinglei ah an lak tiah The Irrawaddy nih a langhter.
Kani PDF he aa naihniam mi pakhat nih “Sakhaan an lak khawh cang. Ralkap lei 10 an thi, PDF chungtel 4 an nunnak a liam ve” tiah The Irrawaddy ah a chim.
Cu ralkap sakhaan hi kahdohnak caah hmunhma a rem tuk mi a si i nizaan ah vanlawng in kahdohnak a tuah, chun sml 12 hrawng ah bom lung 3 a thlak, zaan zong ah bom lung 2 a thlak i mipi cheukhat an i hliam tiah theih a si.
Kahdohnak chung ah ralkap sakhaan in hriam cheukhat zong an lak khawh tiah The Irrawaddy Burmese nih a langhter.
About The Author
