Kani Peng Ah A Um Mi SAC Sakhaan PDF Nih An Lak, Hriam Zuun 16 Leng An Lak Kawh
The Chinland Post | 2023 April 19 — Sagaing ramṭhen, Kani peng ah a um mi SAC ralkap 30 hrawng nih hmunhma an khuarnak Tawadai sakhaan cu Yinmarbin pengkomh PDF Battalion 1 nih an lak khawh tiah NUG nih a thanh.
April 17 zinglei ah kahdohnak an can hi a si i SAC lei 20 leng an thi tiah theih a si.
Kahdohnak chung in MA-2 zuun 3, MA-1 zuun 6, MA-3 zuun 5, MA-4 zuun 1 le MA kuanbawm 8, 5.56 kuan 9380, 60MM a peng 1, 60MM bom lung 50, 40MM bom lung 57, Grenade 56, bomrap 39, Detonator 37, Detonator bomrap 45, hna an lak khawh.
Cun, kuan khamnak 2 le tangka 11,100 hna an lak khawh tiah an thanh.
SAC nih vanlei kahdohnak a hman ko nain mipi hriamtlai pawl him tein an kir kho tiah theih a si.
