Kani Peng, Nwachankone Khua Kahdohnak Ah SAC Squad Leader An Tlaih
The Chinland Post | 2023 August 24 — Sagaing ramṭhen, Kani peng, Nwachankone khuate in a rak chuak mi SAC ralkap 25 le dothlennak phu pawl karlak ah kahdohnak a chuak tiah Chindwin Myay Division-PDF nih thawng an thanh.
August 20, Kani peng, Nwachankone khua in a rak chuak mi SAC ralkap 25 le dothlennak phu pawl cu Nwachankone hmunhma ah kahdohnak a chuak i SAC ralkap 1 a thi, Squad Leader 1 a nung in an tlaih tiah theih a si.
An tlaih mi SAC ralkap Squad Leader sin in 40MM bom, kuan 250, kuanbawm 2 an lak khawh tiah theih a si.
Kahdohnak chung ah ULF, KLG le Alpha hna an i bawm tiah theih a si.
