Kannedy Tlang Sakhaan Lak Kahdohnak Ah PDF Zoland Hriamtlai 1 A Nunnak A Liam
The Chinland Post | 2023 November 21 — Chin ramkulh chaklei, Tedim peng, Kalay le Tedim karlak Kennedy tlang ah hmunhma a khuar mi ralkap sakhaan cu November 21 zinglei ah PDF-Zoland nih an lak i sakhaan lak kahdohnak chung ah hriamtlai Tg. Kam Liam Pau a nunnak a liam tiah PDF Zoland nih an thanh.
Ralkap lei a thi mi le tlaih mi hna zong an um tiah PDF Zoland nih a thanh.
Sakhaan chung um ralkap 10 leng nih sakhaan an zaam tak caah tlaih khawh an i zuam lio a si tiah an chim.
Cu sakhaan chung in hriamngan telh in hriam tampi an lak khawh tiah PDF- Zoland nih cathanh chung ah an langhter.
About The Author
