Kanpetlet ah ralzaam mipi 4 hriamngan ruang ah an i hliam
The Chinland Post | 2022 December 15 – Chin ramkulh thlanglei, Kanpetlet peng ah SAC nih hriamngan/hme an kah ruang ah tlanglo ah a zaam mi mipi 4 hriamngan nih a khen hna i an i hliam tiah theih a si.
SAC ralkap pawl cu a luancia December 10 ah Kanpetlet peng Myatpinkyay khua ah an lut i hriamngan/hme a ruang um lo in an kah caah tlanglo ah ral a zaam mi mipi 4 an i hliam tiah ralzaam bawmtu pakhat nih Khonumthung Burmese ah a chim.
“Myatpinkyay khua ah tlanglo tuah pah in a zaam mi an umnak thlam 10 chung ah 2 kha hriamngan/hme in pehzulh in an kah caah 3 fak ngai in an i hliam. Pakhat hi cu a hliamhma fak tuk lo” tiah a chim.
Hliam a tuar mi hna hi kum 50-70 kar tar an si cang i pa 3 le nu 1 an si i an ban, an tai hna ah an i hliam tiah theih a si.
SAC ralkap pawl cu Myatpinkyay khua in Kyaukdaw khua lei ah an lan i mipi 6 an tlaih hna, 4 cu an thlah cang hna nain 2 cu atutiang an thlah rih hna lo tiah ralzaam bawmtu nih a chim.
About The Author
