Kanpetlet kahdohnak ah SAC ralkap 2 an thi

The Chinland Post | 2022 July 13 – Chin ramkulh, Kanpetlet, General Administration Zung (Thwe-Oh-Zung), Peng fimcawnnak zung le B.E.H.S hna ah hmunhma a khuarmi SAC ralkap le CDF-Kanpetlet karlak June 11 le 12 ah kahdohnak a chuak i SAC ralkap 2 an thi tiah CDF-Kanpetlet nih a thanh.

July 11 General Administration zung ah hmunhma a khuarmi SAC ralkap le CDF-Kanpetlet cu chun sml 12:00pm in zaanlei sml 3:00pm tiang kahdohnak a chuak i SAC ralkap a thimi bel a fiang in theih a si rih lo tiah theih a si.

July 12 ah Kanpetlet peng fimcawnnak zung le B.E.H.S ah hmunhma a khuarmi SAC ralkap le CDF-Kanpetlet karlak ah zinglei sml 11:00am in chun sml 2:00pm tiang hmunhnih ah kahdohnak a chuak i SAC ralkap lei in 2 an thi i mipi hriamtlai lei him tein an kir kho tiah theih a si.

Na ruahning rak langhter ve.. (Leave a comment)

%d bloggers like this: