Kanpetlet Peng Ah Pehtlaihnak Mobile Phone Hmun 9 Ah An Chiah Lai

TCP-Thantlang| 2019 February 26| Chin ramkulh thlanglei Kanpetlet peng chungah pehtlaihnak Mobile Phone hmun 9 ah chiahpiak dingin timhtuahnak kan ngei tiah phurhtlunak le pehtlaihnak zung rampi vuanci U Tha Oo nih a chim.

February 25 ni ah tuah mi Pyithu Hluttaw tonpumhnak chungah Kanpetlet peng MP palai U Nyunt Win nih biahalnak a tuahmi chungah a tubantuk in rampi vuanci U Tha Oo nih nih bialehnak a tuah hi a si.

“Pehtlaihnak (Operator) nih a herhning in le cu zulhphung he zong aa pehtlaih ningin, a pakhatnak bik ah peng (myo-ne) 19 ah Mobile Phone pehtlaihnak hmun chiahpiak dingin 2019 kum thlathum hnu ah Tender auh hmasa in riantuan a si lai. Cu pin ah a tu tiang pehtlaihnak kongah a har deuh mi khua Kanpetlet peng chung zongah Mobile Phone hmun 9 ah sakpiak ding zong timhtuahnak ngeih a si ko” tiah U Tha Oo nih bia lehnak a tuah.

Kanpetlet peng khuate ah Electric mei an hmuh khawh lonak, pehtlaihnak lam a har rih nak kong, tupi hmawng tang bantuk a si rihnak, lamhlat pehtlaihnak le Mobile Phone chiahnak ding kongzong ah harnak tampi a um rihnak kong vuanci nih a chimchih.

“Pehtlaihnak cu kan herh cem mi a si. Kanpetlet peng chung khuate le khuakomh hna cu Mobile Phone kan hman khawh lo caah khuami nih fimcawnnak, ngandamnak le zatlang lei pehtlaihnak tibantuk hnu an tolhnak kong zong khuami U Mana Shin nih a chim.  Kanpetlet khuachung ah Tower tung an bunh ko nain Line a that lo caah hmang kho lo in harnak tampi kan tong. Cucaah Khonumthung tlangpar ah khin tung pakhat kan bunhpiak hna seh law Kanpetlet peng chung khuate tiangin Phone Line kan hmang kho dih lai” tiah U Mana Shin nih a chimchih.

Ref: Khonumthung

Na ruahning rak langhter ve.. (Leave a comment)

%d bloggers like this: