Kanpetlet peng ah SAC Helicopter 2 an kah i si umnak a pem, pangka a kiak
The Chinland Post | 2022 October 17 – Chin ramkulh, Kanpetlet peng ah thazang a rak chapmi SAC Helicopter 2 cu an kah i sii umnak a pem, pangka pakhat a kiak tiah CDF-Kanpetlet nih October 16 ah a thanh.
October 16 ah thazang chap ding in a rak raami SAC Helicopter 2 cu a sannak hmun pakhat in hriamhme in an bawh i an kah hi a si.
“A voikhatnak minung a rak chiah hna lioah a kalnak lam kha kan zoh i kan thlah sawh. A voihnihnak tu cu ṭha tein kan i ngiat cang mi a si caah a niam tein a zuan lioah kan kah. Tlangcung a si caah a sang tuk in a zuang lo. A hlan ah atu bantuk in kan kah bal lo caah a niam tein a zuan hi a si” tiah CDF-Kanpetlet rian ngeitu nih Mizzima ah a chim.
Cu bantuk in kah ruangah Helicopter 2 chung in 1 cu si umnak a pem leng ah pangka 1 zong a rawk tiah an thanh.
SAC ralkap nih Kanpetlet peng, Cinduai sakhaan ah October 15 ah Helicopter 2 in thazang 30 leng a chap tiah theih a si.
Hmanthlak – Hakha khua March 19 ah SAC Helicopter a tlak lio
About The Author
