Kanpetlet peng kahdohnak ah SAC palik pakhat a thi, pakhat aa hliam
The Chinland Post | 2022 March 27 – Kanpetlet khua chungah hmunhma a khuarmi SAC ralkap pawl le CDF-Kanpetlet cu March 27 zinglei sml 10:30am ah kahdohnak a chuak.
Cu kahdohnak ahcun, SAC ralkap pakhat a thi i pakhat aa hliam. Myoma palik sakhaan le B.E.H.S ah hmunhma a khuarmi SAC ralkap pawl nih hriamngan in kah an bawmh hna caah khuachung inn cheukhat le a pawngkam khuate hna cu hriamngan nih a tlak hna caah mipi inn cheukhat a rawk.
Cu kahdohnak ahcun, CDF-Kanpetlet phu hliamhma tuar lo tein an kir kho tiah CDF-Kanpetlet nih thawng a thanh.#
