Kanpetlet peng ralzaam hna caah bawmhnak rianrang in a herh
The Chinland Post | 2022 June 14 – Chin ramkulh, Kanpetlet peng ah kahdohnak nifatin in a chuah caah khuate 11 in mipi hna an zaam i rianrang in bawmhnak an herh tiah Kanpetlet mipi uknak phu nih June 13 ah a thanh.
Kanpetlet peng chungah, Kyaukhtoo-Kangyi-Layhgyiai lam in kahdohnak a rak tuahmi SAC ralkap pawl le CDF-Kanpetlet phufonh hna karlak ah kahdohnak a chuak i cu lamcung ah a ummi khuate 11 in mipi 1,500-2,000 kat nih inn le lo an zaamtak tiah a langhter.
“Ruahkhamnak, facang le puan a rannak in kan herh” tiah mipi uknak phu rianngeitu pakhat nih a chim.
June 9, Chinlatmon khuachung ah SAC ralkap pawl hmunhma an khuar i mipi ngaihmi thilrii pawl an hrawh tiah theih a si.
Cun June 12 zongah Anpung khuachung ah hmunhma a khuarmi SAC ralkap pawl nih ralzaam hna caah chiahmi facang pawl an khanghpiak hna, mipi inn an bauh i thilrii tampi an hrawh tiah theih a si.
Mipi uknak phu nih ralzaam hna caah bawmhnak pek a rak si ko nain an i zat lo caah ramchung, ramleng nih bawmhnak pek rih ding in nawlnak an langhter chih.