Karen ram September a zarhkhatnak kahdohnak ah SAC ralkap 18 an thi

0

The Chinland Post | 2022 September 9 – Karenni (Kayah) ram September a zarhkhatnak chung kahdohnak ah SAC ralkap 18 an thi tiah KNDF nih September 8 ah a thanh.

September a zarhkhatnak chungah SAC ralkap pawl cu Demoso le Hpruso khua hna ah thazang an chap i mawṭaw pawl in eidin phorh an i zuam tiah KNDF nih a thanh.

September 3 ah Demoso peng in Hpruso peng lei ah eidin a rak phorhmi mawṭaw 5 cu KNDF battalion 15 nih an kah hna i SAC mawṭaw 1 a rawk, ralkap 3 an thih caah an mawṭaw pawl zong an kir ṭhan.

Cun September 3 zaanlei ah Hpruso peng, Htitawku khua pawngah hmunhma a khuarmi SAC ralkap pawl cu KNDF battalion 15 nih an kah hna i SAC ralkap 2 an thi.

September 4 zongah Hpruso peng Htipawsu le Dawngekhu ah hmunhma a khuarmi SAC ralkap cu KA, KNDF Battalion 4, 5, 15 nih an kah hna i SAC ralkap 6 an thi.

Cun KNDF battalion 15 nih Hpruso peng Kadala khua pawngah hmunhma a khuarmi SAC ralkap an kah hna i SAC ralkap 2 an thi.

Demoso peng Ngwetaung khuathar pawngah hmunhma a khuarmi SAC ralkap cu KA le KBDF battalion 10 nih an kah ṭhan hna i sml 4 hrawng a raumi kahdohnak chungah SAC ralkap 1 a thi i tampi an i hliam.

September 7 ah Bawlakhe khua le khuathar khua lam cungah a ummi SAC sakhaan pawngah rua sam dingin a kalmi SAC ralkap pawl cu KA le KBDF battalion 21 nih an kah ṭhan hna i SAC ralkap 3 an thi i 2 fak piin an i hliam.

Cu kahdohnak ah KNDF nih hriam 1 le zen cheukhat an lak khawh.

September 3 ah Htaitawmu pura tlang ah hmunhma a khuarmi SAC ralkap pawl cu KA, KNDF battalion 3, 9, 11 nih an kah hna i SAC ralkap 1 a thi.

Karenni dothlennak vialie chung le Pau dothlennak chungah a nunnak a liammi ralkap pawl vialte cu September 8 Karen Martyr’s Day ah upatnak kan in pek hna tiah KNDF nih a langhter chih.

 

About The Author

Na ruahning rak langhter ve.. (Leave a comment)

%d bloggers like this: