Karen Ram, Taungsun Kahdohnak Ah SAC Ralkap (23) S.O.F Sniper Phu Nih An Fim Hna
The Chinland Post | 2023 March 7 — Karen ram, Taungsun kahdohnak ah SAC ralkap 23 a fim khotu S.O.F Sniper phu caah hriam chanbaunak a um rih ko tiah S.O.F Snipers phu nih a thanh.
S.O.F phu cu KNU Brigade 6, Battalion 18 Sniper cawnnak petu pawl le American Marine cawnnak petu (Marine ralkap hlun) pawl pumpak nih ṭha tein cawnnak pek mi an si i cawnnak a dih ah a thiam bik Sniper Squad (တပ်စိပ်) pakhat an chuak kho i atu cun Platoon (တပ်စု) pakhat tiang a dir kho cang tiah theih a si.
Cun S.O.F Sniper chungtel pakhat si khawh nak ding ah cawnnak thla 1 le cheu, Physical Training thlakhat le cheu, Special Sniper Training thlakhat le cheu, Live Fire zarhhnih tiah a zapi thlanga cawn a hau tiah theih a si.
2023 January thla chung, Taungsun kahdohnak ah S.O.F Sniper phu nih SAC ralkap 23 an fim hna tiah theih a si.
Sniper pawl cu kahdohnak ah mipi hriamtlai phu he fonh in ralram ah anmah le an caan te ah an i tel lengmang i Sniper pawl nih voikhat kahdohnak ah a tlawmbik ralkap 1-5 tiang an fim lengmang hna tiah theih a si.
About The Author
