Karen ram Wallay kahdohnak ah SAC ralkap 20 leng an thi kho.

The Chinland Post – Karen ram, Wallay kahdohnak ah SAC ralkap 20 leng an thi kho i a zaa leng an i hliam khawh lengah ralkap ruak lam cungah an um ko tiah Cobravnih thawng a thanh.

March 27 ah Karen ram, Myawaddy peng, Laykaykaw tan in Phlu khua in Wallay ah a rak lutmi SAC ralkap battalion (44) le battalion (22) cu Cobra nih an rak kah hna.

Kaphnih kar kahdohnak cu zinglei sml 9:00am in zaanlei sml 4:00pm tiang Myawaddy-Wallay lam cungah a cang. SAC ralkap lei in a thimi an tam caah Mi 2 helicopter, Mi 35 helicopter pahnih in kah an rak bawmh hna. Mipi hriamtlai phu hna hohmanh I hliam lo tein an kir kho. SAC ralkap 20 leng an thi kho I a zaa leng nih hliamhma an tuar. SAC ralkap an ruak pawl cu lam cungah an I samh ko tiah Cobra nih a thanh.

KNLA zong nih March 27 kahdohnak ah SAC ralkap tampi an i hliam i a tlawmbik 20 cung an thi kho tiah a langhter ve.

Na ruahning rak langhter ve.. (Leave a comment)

%d bloggers like this: