Karenni Ram, Thla 2 Chung Ah SAC Ralkap 30 Leng CDM An Tuah
The Chinland Post | 2023 October 5 — Karenni (Kayah) ram thla 2 chung ah SAC ralkap 30 Leng CDM an tuah tiah Karenni Pyithu Yinkhwin Department bawicem nih People’s Spring ah a chim.
CDM a tuah mi ralkap hna hi Brigade 55 le Karenni hrambunh SAC ralkap Battalion pawl in an si tiah a chim.
Mipi sin aa rak fonh mi ralkap 30 leng chung ah 6 hi hriam an rak chuahpi khawh caah aa tlak mi tangka laksawng an pek hna tiah theih a si.
SAC nih hramhram in uknak a lak hnu kum 2 leng caan chung ah mipi sin aa rak fonh mi palek 300 leng le ralkap 150 hrawng an um cang.
Cun CDM tiah cohlan rih lo mi, zohfelnak tuah cuahmah lio mi ralkap 20 hrawng an um rih tiah Karenni Pyithu Tinkhwin lei nih an chim.
