Kate Hriamtlai Kan Ram in Thawldawi A Herhnak
Salai Vakok| 2022 January 18| India ram Manipur miphun pakhat chung tel Kate(Meitei miphun) hriamtlai ( People Liberation Army-PLA ) pawl hi Kalay-Kabaw le Tonzang-Cikha peng ah an um hlei ah Sagaing ramthen chung tiang ah civil bantuk te in khua sa kho in an um. A bik in Than Shwe Chan ah Sagaing ramthen uk tu General Tha Aye le Chin ramthen uktu General Hung Ngai chan lio ah khuasa kho dir hmun in kum can sau pi an um cang. Myanmar ram sinak ID an tuah kho caah duhpoah in umnak nawl le nupi thit khawhnak tiang an ngei.Kawlram ah can sau an um caah kawl holh le holh dangdang an thiam.
An nih hi Tonzang peng ah Bing cinnak an tuah. Kalay-Kabaw peng chung ah thiltha lo rihai sii duh poah in chawleh nak an rak tuah khawh. Kawl ralkap he hawikom ser in thil tha lo a tuah peng mi an si. Khampat le Canan khua mino hna nih Tonzang khua an umnak sakhan tiang facang zuar in bing le rihai sii he an rak thlen lengmang ton caah mino tampi nunchan tawi le nun zia tha lo in a um mi an tam.
Kalaymyo Chaklei khua Tuikhing-Mya Sein-Myalin khua lei kalnak lam in an umnak Tonzang lei in rihai sii le bing an rak luh pi ton. Thiltha lo an tuah ning vun zoh tuah u sih.
Kan ram chung minung an thah mi a tlawn ti lo. Kawl cozah ralhrang lei in Kate tabung mithat hmang mi pawl a zizutnak an tuah ton lo. Mi an thah hnu ah India ram Manipur lei an zam ter ton hna. Thilpakhat ka vun langhter lai.
2012 kum ah Kate ralbawi pakhat nih Tahan um Lai nu pakhat zong khual an tlawnnak ah Monywa peng leikuang lak ah a rak thah. Kawl cozah nih mi that pa cu an rak tlai ngan lo hlei ah mithi Lai nu a aruak vui lio zong ah thinphang in chungkhar le veng/sang mi an rak um hna.
2020 August thla ah Monywa Chindwin donhhlei ah an rak tlaihmi Kate hriamtlai ralbawi pa hi Sagaing khua Zeya sang No.5 ah nu pi he a um mi a si tiah theih a si.
Myanmar ram ID 1/Mahngiahnah(Naing) 129698 a ngei i Sagaing khua Ywathawng sang um Kawlnu he ai thitum mi fanu pakhat a ngeimi a si” tiah min langhduh lo Lahwahkhah riantuan tu nih a chim. Kate ralbawi Captain Nawra@ Devanl –kum (33) cu 2014 kum ah Kachin ramkulh Moengein pengkulh Hopin peng Myawady sang um min in Myanmar ID a rak ngei mi a si tiah theih a rak si.
Mah Myanmar ID ngeimi kong he pehtlai in India ram mi a si le si lo cu Sagaing peng Lahwahkah bawi U Lay Maung nih rampi cozah ramdang pehtlainak winci sin bia halnak a tuah hna hnu ah Captain Nawra@ Devanl hi India ram a si cu theih a si ia lut mi Kate miphun 5 he tlaih an rak ton. Mah hmanh cu Palik pawl an ral a tha tuk ruang ah an rak tlaih mi a si.
Cucaah Kawl ralhrang he komh in Sagaing ram le Chin ram ah thiltha lo an tuah hlei ah mino tampi rihai sii sal ah an can ter hna. Thiltha lo tuah mi an si caah an hriamnam a tha. Kawl ralhrang nih an run ven hna caah Mizei hmanh nih an ti ngan hna lo caah nihin can ah Chin ram le Sagaing ram chung mipi runven tu (CNF,PDF, Zoland, CDM Siyin, Zozam Army, People’s Defense Army-PDA) fonh in ram le miphun caah lungfahnak he thih ngamh in an doh cang hna.2022 January 13 ni ah Tonzang peng Senam khua Kate he kahnak ah CNA ralkap in Major Ngun Vung le Corporal Aung Min Htey zong ram caah nunnak a pek ve. Miphun lei ralkap dang zong hliamhma bu mi an um. Kan ram cia cung ah mah bantuk tiang thih le loh le hliamtuar mi an um tik ah lung a fak.
Nihin kawl ralhrang le mipi kahdohnak Webulah(falam peng) raldohnak ah kawl ralkap lei in Tedim holh a hmang mi ralkap an tam ngai ti a si. Cun 2021 Tahan- khanthat kahdohnak lio zong ah mah Meitei ralhrang pawl cu kawl ralhrang thuam hruh ter in Kalay Civil Army(KCA) kah nak ah an um tiah thawngzamhnak pakhat nih an rak tial.
Kawl ralhrang doh lio can ah ramchung mipi duhpoah in an kan thah tu le rihai sii le thiltha lo in mino nunzia a hrawk tu Kate hriamtlai pawl hi ramchung/ramleng mipi vialte nih lungrual in kan ral cu kan doh ding le kan ram in kan thawldawi dih ding hi kan can a si lio te a si.
About The Author
