Kawkareik Lam Ah Zohfelnak An Tuah Lio Ah SAC Captain 1 An Tlaih
The Chinland Post | 2023 August 29 — Karen ram, Kawkareik peng, Kyaphyu Column nih a tlaihnak hmunhma chung ah PDF pawl nih lamcung zohfelnak an tuah lio ah SAC ralkap Captain 1 an tlaih tiah Kyaphyu Column sin in thawng theih a si.
August 28 chun ah Kyaphyu Column nih a tlaihnak hmunhma lamcung ah PDF pawl nih himnak an lak i mawṭaw pakhat cu an dirter i an check tik ah SAC ralkap Captain pakhat a si kha an theih i an tlaih hi a si.
An tlaih mi SAC ralkap hi Computer lei in Degree a la cang mi Captain Ye Min Htun (kum 33) a si i Myawaddy ah fa a pawi lio mi an nu a va ton i a kirlei ah an tlaih hi a si.
SAC ralkap Captain Ye Min Htun cu No. 207 nih a herh ning in biahalnak an tuah lio a si i dantatnak zong a ing lai tiah theih a si.
Myawaddy-Kawkareik lam ah Kyapyu C04, C05 le Kyapyu kuttang himnak phu pawl nih nifatin in lamlei zohfelnak an tuah lengmang tiah theih a si.
