Kawl Ralkap Le AA Kahdohnak Ruang Ah Paletwa Khuahnih Nih Inn Le Lo An Zamtak
Salai CungCung|2019 May 1| 2019 April 30 zing suimilam 8 hrawng ah Kawl ralkap le AA cu Paletwa peng Kyautphyia le Sin-U-Wah khua pahnih pawng ah faktuk in an i kah caah khua pahnih nih an inn le lo an zaamtak tiah kan theih.
“April 30 zing ah meithal thawng fak ngai in kan theih caah kan zaam dih. A zaam mi chung ah aa khawng mi cu kan um lo. Khua chung ah a tang rih mi zong an um rih ko. Tu a rak zaammi hi minung 50 leng kan si” tiah ralzaam minung pakhat nih a chim.
2019 April 30 zing suimilam 8 hrawng in kawl ralkap le AA kahdohnak cu aa thawk i zaanlei suimilam 6 tiang bomb puah thawng kan thei rih ko tiah khuami nih an chim mi cu Paletwa zatlang bu bawmhnak petu an page ah an langhter.
Tu bantuk kahdohnak ruang ah a zaammi khuahnih cu khuakhat ah inn 46, milu in 240 le inn 34, milu in 143, an zapi inn 80 le milu in 383 an si tiah kan theih.
Ref: Chin World
About The Author
