Kawl ralkap nih sual a buarmi cu ICC ah ṭhial khawhnak UN nih tuahpiak dingin phu 116 nih an hal
The Chinland Post | 2022 March 8 -UN Human Rights Council nih Myanmar ram chungah SAC phu nih a buarmi sualnak vialte biaceihkhawhnak hnga ICC ah biaceihnak ṭhialpiak dingin Myanmar ram mipi phu 116 nih March 7 ah cathanh an chuah.
SAC phu nih a buarmi sualnak vialte caah UN nih nawlngeihnak a pekmi biacheihnak nawl dirhding le Myanmar rampi caah dinfelnak a hmuhkhawhnak le Myanmar ram sining pawl ICC biaceih zungah a phak khawhnak hnga UN Security Council nih biakhiahnak a ngeih khawhnak hnga forhfialnak pawl aa tel.
Cun, 2002 July 1 thokin Myanmar ram chungah buar a simi sualnak pawl he pehtlai in ICC biaceihzung nih biaceihnak nawl a ngeihmi nawlngeihnak cohlan thawngin treaty of Rome hnathlaknak Chapter 12 (3) ningin NUG nih a halmi cathanh ICC nih cohlanpiak dingin halnak, UN General Conference hnatlaknak bantuk in NUG cozah palai a simi U Kyaw Moe Htun kha Human Rights Council ah Kawlram aiawhtu ah cohlanpiak ding timi nawlnak pawl aa tel tiah Khit Thit Media nih a langhter.
About The Author
