Kawl Titoih Puai Chung Ah Myanmar Rammi 26 An Thi I 137 Hliamhma An Tuar
City Hunter| 2018 April 18| Myanmar rampi Kawl titoih puai chung mithah lainawnnak le khawndennak ruang ah minung 26 an thi i 137 hliamhma an tuar tiah Myanmar rampi palek phu nih an thanh. Hi cazin langhtermi cu Kawl titoih puai he pehtlai in a thimi an si.
Kawl titoih puai chung mithah lainawnnak in minung 9, motor pah khawndennak in minung 9 le tipaam nakin minung 8, an zapi minung 26 an thi. Kachin ramkulh le Rangoon ramthen ah motor pah nakin minung 3 an thi i Pago ramthen ah mithah lainnawnnak in minung 3 an thi.
Kawl titoih puai (Tacian) he pehtlai in ramthen le ramkulh 13 ah thihloh, khawndennak a chuak i Kaya le Chin ramkulh tu ahcun a chuak lo. Rangoon ramthen hi nikum nakin poipang ton voi 3 a tlawm deuh tiah palek phu nih an chim.
Kawl titoih puai he aa pehtlai lomi poipang tonnak in Myanmar rampi ah minung 259 an thi. Mithah lainawnnak in 13, motor pah nakin 124, tipaam telh in a dangdang thihlohnak ruang ah minung 122 an thi.
Papek phu in Kawl titoih puai caah ahlankan runvennak a tuahtu zapi 1380 an si i sualnak a tuahtu pawl pehzulh in dantat an si lai tiah cozah thanhca ah an langhter.
Ref: DVB Burmese
About The Author
