Kawlram Ah Covid-19 Hrik Ngei Phungki Le Talahsin (1600) Hlei An Si
Salai Bawi Lian Sang| TCP-Kalay| October 30, 2020| Kawlram chung phungki le Tilahsin (1600) hlei ah Covid-19 hrik zawtnak ngei an um cang tiah Biaknak le nunphung zung Director U Aung San Win nih DVB ah a chim.
October 27 ni tiang ah Phungki (1429), Tilahsin (174) ah zawtnak hrik an hmuh hna. Mah chung in Phungki(25) le Talahsin( 3) an nunnak a liam.
October 11, 2020 in Yangon, Panbedane peng Teindawkyi phungki cawng ummi phungki (76) le siangngakchia (14) ah covid-19 hrik an ngei tiah Panpedane peng region hluttaw U Tan Naing Oo nih BBC ah a chim.
Maha Teindawkyi cawng ah Phungki (88), phungki cawng riantuan tu siangngakchia (23) an um. An dihlak zawtnak ngei (90) an si i phungki pawl cu Bahan (3) lam um mi, Abihdamah yeiktha Peikman ah kan kuat hna tiah U Tan Zaw nih BBC ah a chim.
October 1, 2020 kum ah Tinkankyuan peng Suamlumku phungki cawng zong ah phungki (19) le Kuwin (1) ah covid hrik an rak hmunh hna. Mah phungki cawng ah hrik an check than hna tik ah zawtnak hrik (41) an karh tiah October 15 ah thawng thanhnak an rak tuah.
September 25, 2020 ni ah Insein Ywama Parihyeiktih sianginn ah Phungki (358) ah covid-19 hrik an rak hmuh hna hi a si.
Ref: BBC Burmese/ DVB TV News
