Kawlram Ah Sai Sai Kham Leng Hi Facebook Thapetu Follower Nuai 8 In A Tambik
TCP-Hakha| 2019 February 1| Myanmar ram minthang le a larmi lemcang thiam hna lakah Sai Sai Kham Leng @Sai Sai Kham Hlaing hi facebook thapetu follower tambik a si, a follower hi nuai 8 renglo (8,200,000) a si tiah Myanmar Social Media Development Myanmar (SMDM) nih an thanh.
Lemcang thiam Academy Phway Phway hi thapetu follower 7.7 nuai renglo ( 7700,000) in a tam bik chang a si. Academy Wutt Hmone Shwe Yi hi thapetu follower nuai 5 (5000,000) renglo in a pathumnak a si.
Palinak cu Lay Phyu Crazy a si, follower 3800,000 a ngei. Panganak cu Thet Mon Myint a si, follower 2800,000 renglo a ngei. Paruknak cu Ah Moon a si, follower 2700,000 renglo a ngei. Pasarihnak cu Htoo Khant (Shwe Htoo) a si, follower 2200,000 renglo a ngei. Pariatnak cu Hnin Hay Man Soe a si, follower 2100,000 renglo a ngei. Pakuanak cu Daw Aung San Suu Kyi a si, follower 2000,000 renglo a ngei.
Htoo Khant (Shwe Htoo), Hnin Hay Man Soe, Shwe Hmone Yati, Chit Thu Wai, Eaindra Kyaw Zin, Mah Aye Taung le Thin Zar Wint Kyaw hi facebook ah private account an hmang i Sai Sai Kham Leng, Lay Phyu Crazy, Thet Mon Myint, Ah Moon le Ni Ni Khin Zaw hi facebook ah blue mark an ngah tiah an thanh chih.
Myanmar ram ah Online hmangtu tamdeuh cu a dang Internet social cahmainak in facebook hi papek in an hman deuh cio. Internet network a hmangmi hna lakah facebook hmangtu hi za tuak 91% renglo an si.
Twitter, Youtube, Instagram tibantuk Internet social media hna hi a hmangtu hna nih Myanmar ram hi a dang Asian ram hna nakin an tlawm deuh tiah Asian ramchung social media a hmangtu research cherhchan in an langhter.
SMDM phu hi Myanmar ram ummi Internet social media a hmangtu hna caah a thami social network ngeihnak caah thil sining (news and fact) le IT fimthiamnak lei thanhchuah ding aa hmuitinhmi an si.
Ref: DVB
