Kawlram Chungah Kum 6 Chung Pehtlai In Ngunkhuai A Pe Tam Cemtu Cu KBZ Bank An Si

TCP-Online| 2018 January 23| Kum 6 chung pehzul in cozah ah ngunkhuai a pe tambik tu cu KBZ Bank an si tiah Kawlram cozah thawngzamh ca The Mirror Daily nih January 13 ni khan a tial.

The Mirror Daily nih a tial ning cun; KBZ Bank nih hin 2016-17 tangkaa kum ah Kyats 23.155 Billion ngunkhuai a pek tiah a tial.

KBZ Bank cu Kawlram chungah ngunkhuai a pe tam cemmi an si bantuk in 2017-18 tangkaa kum caah a hlankan in Kyats 32 Billion le 2018-19 kum ca zong ah Kyats 38 Billion tiang cozah ah an pek chung cang hna. 2019-2020 tangkaa kum ca zongah ngunkhuai a hlankan in pek an timh cuahmah lio a si ti zong theih a si.

Tubantukin KBZ cu an chawva lei ah thancho lei an panh lenmang i, ramchung le ramleng lei zong nih upatnak roca tampi an pek cang hna. Remleng lei in Financial Times, Euromoney, World Finance, Asian Banking and Finance, Asia Money, Finance Asia, Business Initiative Directions ti hna zong nih upatnak roca an pek.

Kawlram chung fimcawnnak le ngandamnak lei kap zongah an tangka chuah in minung tampi le khua tampi an bawmh cang hna i an bawmh cuahmah lio zong a si.

KBZ Bank nih hin 2008 kum in tukum 2018 tiang ramchung ah a cangmi kokek harnak ca le miharmi hna bawmhnak caah tiin a zate Kyats 138 Billion an hman cang tiah KBZ Bank lei nih an chim.

Ref; The Mirror Daily