Kawlram Chungah Thluak Lei Damlonak A Karh Tiah Ramkomh Ngandamnak Lei Minister Nih A Chim
TCP-Online| 2018 June 30| Kawlram chung cithlatnak an tuahnak in ramchung ah thluak lei damlonak minung tampi an um ti an hmuh chuah i thluak lei siibawi te zong tam deuh chiah khawh dingin Kawlram ramkomh ngandamnaklei Minister zung nih timhlamhnak a ngeih cuahmah lio a si.
Ngandamnaklei Minister Dr. Myint Htwe nih “Kan ram ah thluak lei in dam lomi minung tampi an um. Kan cithlat ruang i kan hmuhmi zong a si kho i thluaklei damlomi an tam hrimhrim zong a si kho” tiah Pyituh hluttaw tonpumhnak ah a rak chim.
“2016 kum lio khan Yangon ramthen chung i pengkulh pakhat ah cithlatnak kan tuah. Cu kan tuahmi ah minung 1000 ah minung 30 tluk nih thluaklei in damlonak an ngei. Cun 2017 kum khan Yangon khua pawng i pengkulh 2 cithltnak kan tuahmi ah minung 1000 ah minung 86 ni thluaklei damlonak an ngei” tiah Dr. Myint Htwe nih cun a chim.
Mahti thluaklei damlonak a ngeimi hna cu dumdim tein zoh khawh an si lo. Thluak lei siibawi te an tlawm rung zong a si i Kawlram nih hin thluak lei dam lomi hi biatak deuh in an ruah lo ca a si. Thailand ram hna ahcun thluak lei damlo ca ah Department of Mental Health ti zong a um, tiah Dr. Myint Htwe nih cun a chim chap.
Kawlram chung ah thluak lei siizung cu ramkomh level in 9, ihkhun 500 tlum 9 le ihkhun 200 tlummi 29 tiin a zapi siizung 51 an um tiah ramkomh ngandamnakei Minister zung nih an chim.
Ref; Irrawaddy
About The Author
