Kawlram cozah nih nikhat ah USD $ 345,000 leiba Tuluk sin ah a cham

Salai Tluangkipthang: 2020 February 22| Ralkap nih tawlrelnak in tuahmi Thir sernak caah cawimi tangka cu Kawlram cozah nih Tuluk sin ah Nuai 500 (US $ 345,000) nifatin leiba a cham.

“Myanmar Economic Corporation (MEC) nih Tuluk cozah ngeihmi China Development Bank (CDB) sin Nuaithong 1.1 (1,100,000,000 euros) a cawi i Kawl tangka in Kyat 1,733,476,709,800.00 lengkai a si” tiah Acting Mandalay Chief Minister U Zarni Aung nih a chim.

Hi thir (steel) tuahnak sehzung cu Mandalay peng ah a ummi a si tiah Irrawaddy nih a tial.

2010 ah Ralkap nih, No. 1 Steel Mill project in Myingyan pengkulh, Mandalay ah Thil sernak sehzung caah an cawimi a si. Nain, a tu ah cun, rammi ngunkhuai khawlhmi chung in nifatin an cham hi a si.

U Zarni Aung nih cun, 2018-2019 tangka kum ahhin, leiba a karh he tel in nikhat ah CDB sin ah 315,271.12 euros kan pek. Nain, 2019-2020 ah kan pekmi bel hi tlawmte a tum deuh i, nikhat ah 306,056.55 euros kan pek a hau rih lai.

Kawl tangka in cun, nikhat ah a tlawm bik Nuai 500 (MMK 500,000,000) an pekmi hi a si.

Ralkap nih ngeihmi MEC company nih May 2005 ah a rak thawkmi a si. Hi Thir tuahnak senzung a tlamtlinnak ah thiamsang hi Italy le Russia an hman hna i, Tangka a herhmi hi 2010 ah Tuluk cozah nih a ngeihmi CDB sin ah a cawi tiah theih a si.

Ref: Irrawaddy