Kawlram Cozah Nih ‘Remhdiahnak Tawlreltu Zung’ A Dirh Lai

0

Aung San Suu Kyi attended the closing ceremony of the Union Peace Conference on September 3,2016. Photo - Pyay Kyaw / The Irrawaddy

TCP-Thantlang|2019 September 12| Cozah zung a simi Rammi Rualremnak le Daihnak Zung (NRPC) nih Remhdiahnak Tawlreltu Zung (Peace Secretariat) a dirh lai, tiah Myanmar President Zung biachimtu U Zaw Htay nih, cozah le Miphun Hriamtlai Bu 10 meeting an tuah hnu ah thawngla pawl a chimh hna.

NRPC vorhlei kut caah dirh timhmi Daihnak Zung a rian cu Rampumpi Kahngol Lungtlinnak (NCA) minsen a thu cangmi Miphun Hriamtlai Bu (EAO) he a thu rih lomi EAO he remdaih biaruahnak tuah asi lai.

Daihnak Zung cu ‘zeitin dah kan dirh ning asi lai’ tiah aa pehtlaimi bu kip he kan i ceih lio si, tiah U Zaw Htay nih a chim.

Atu lio cu, NRPC Daihnak Bu nih remdaih biaruahnak vialte ttuanvo a lak dih. Dirh an timhmi Daihnak Zung ahcun lenglei ramkhel thiamsang le cozah minung pawl an ttuan lai. NRPC cu Thein Sein acozah dirhmi MPC an hrawh hnu, 2016 July thla ah NLD acozah nih a dirhmi si.

NCA minsen a thu cangmi CNF chairman Dr. Lian Hmung Sakhong nih, “NRPC hi an remh hau, cun remdaih biaruahnak lutlai Dr. Tin Myo Win hi remdaih biaruahnak ah vuanci level tiang nawl an pek hau,” tiah a rak chim.

Thein Sein acozah lio i remdaih biaruahnak lutlai U Aung Min cu President Zung vuanci a rak si.

Miphun Hriamtlai Bu pawl le zatlang bu hna nih ‘NRPC hi NLD nih a remh lo hmanh ah a kauh hau, Thein Sein acozah lio i MPC tluk hmanh in rian a ttuan kho lo’ an rak ti lengmang. Ref :The Irrawaddy

 

About The Author

Na ruahning rak langhter ve.. (Leave a comment)

%d bloggers like this: