Kawlram Cu Vawlei Cung Covid Hrik A Karh Ran Bik Ram 68 Nak Dirhmun A Phan Cang

0

Salai Bawi Lian Sang| TCP-Kalay| November 30, 2020| Myanmar ram covid-19 hrik ngeimi (85,000) hlei an si cang. Vawlei cung ram (200) hlei ah pulrai thlak aran nak 70 dirhmun ah a um cang tiah theih a si.

Myanmar ram hmasabik covid-19 hrik cu march 23 ni ah hmuh a si. Avoihnihnak pulrai thlihran ah Rakhine ramkulh in a thok than hnu thla 8 hlei chung ah hrik ngei mi 85000 hlei tiang a karh. 75% cu damnak an hmu I siizung in an chuak tiah theih a si.

Nihin tiang vawlei cung  khua za ramkip covid-19 zawtnak ngei (61) million hlei an si i, minung million hlei a zaw ram 12 tiang pulrai  nih a tlak hna tiah World meters webside nih a langhter.

Zawtnak a tambik cem ah US ram zawtnak ngei (13) Million hlei a thi mi (269,296), India ah zawtnak ngei minung  (9.3) million hlei ah a thimi (135,734), brazil ram zawatnak ngei minung (6.1) million hlei ah a thimi minung (170.832) ah mah ram 3 hna hi an zawtnak tam cem dirhmun ah an um.

Mah hna  ram 3 ah covid-19 hrik ngei minung (19) million hlei ah Russia ram, France ram, Sapain ram, United Kingdom, Italy ram, Argentina ram, Colombia ram, Mexico ram, German  ram, hna pawl hi zawtnak ngei tam an si.

Zawtnak hmuhhmasa nak Tuluk ram ah Covid-19 hrik ngei minung (86,490) le a thimi minung (4634) an si. Tuzarh hrawng ah a thimi le a um ti lo caah ramkip tahfung in (68) nak dirhmun tiang a tum.

Asia ram ah covid-19 hrik ngei tambik India ram, Iran ram, Iraq ram le Indonesia ram ah covid hrik ngei (908.346) le (544,670), (516.753) cio an phan.

Myanmar ramri Indonesia ram hnu ah Philippine ram ah covid hrik ngei 424.297 ah a thimi 8242 a pahnihnak dirhmun ah an um.

Myanmar ram November 29, zan suimilam 8 tiang ah hrik ngei 89,486 ah a thi mi 1918 le damnak hmu in siizung tum mi 68,910 an si. Asian ram 10 lak ah covid hrik in a thimi ram 3 lak ah Mynamar ram a tel.

Singapore ram ah covid hrik ngei 15.581, a thimi 28 le Malaysia ram hrik ngei 60752 ah a thimi 348 an um.

Myanmar ramri Thailand ram ah covid hrik ngei 3942 ah a thimi 60 an si. Vawlei cung ramkip covid hrik ruang a thimi 1.4 million hlei an si I a damthan mi 42.3 million hlei an si tiah theih a si. Crd: One  News Myanmar

About The Author

Na ruahning rak langhter ve.. (Leave a comment)

%d bloggers like this: